Svetlana Osipova
| Svetlana Valerevna Osipova | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||
| Shaxsiy maʼlumotlari | |||||||||||||||||||||||||||||
| Jinsi | Ayol | ||||||||||||||||||||||||||||
| Fuqaroligi |
 Oʻzbekiston | ||||||||||||||||||||||||||||
| Tavallud sanasi |
3-may 2000-yil Oʻzbekiston | ||||||||||||||||||||||||||||
| Mukofotlar |
 | ||||||||||||||||||||||||||||
| Sport | |||||||||||||||||||||||||||||
| Qaysi sport | Taekvondo | ||||||||||||||||||||||||||||
| Medallar | |||||||||||||||||||||||||||||
| |||||||||||||||||||||||||||||
Svetlana Valerevna Osipova (2000-yil 3-may,Oʻzbekiston) – oʻzbekistonlik taekvondochi, Oʻzbekiston terma jamoasi aʼzosi. 2017-yilda Yopiq maydonlardagi va jang sanʼatlari boʻyicha Osiyo oʻyinlarida kumush medalni qoʻlga kiritdi. 2018-yilda u Yozgi Osiyo oʻyinlarida bronza medalini, 2019-yilda u Butunjahon harbiy oʻyinlarida oltin medalni qoʻlga kiritdi. 2024-yilgi Yozgi Olimpiada o'yinlari kumush medal sohibi[1].
Hayoti
[tahrir | manbasini tahrirlash]Svetlana Osipova 2000-yilning 3-mayida Toshkent viloyati, Chirchiq shahrida tug‘ilgan. 2019-yilda Zulfiya nomidagi Davlat mukofoti bilan taqdirlangan[1].
Sportdagi faoliyati
[tahrir | manbasini tahrirlash]Svetlana Osipova 2016 yildan buyon taekwondo WT bo'yicha O'zbekiston terma jamoasi vakili. Birinchi murabbiyi Pahlavon Sobirov. Hozirda Pavel Xan qo'l ostida mashg'ulotlar olib boradi[1].
2017-yilda Ashxobodda (Turkmaniston) oʻtkazilgan Yopiq maydonlardagi va jang sanʼatlari boʻyicha Osiyo oʻyinlarida ishtirok etgan. U 73 kg gacha vazn toifasida finalda janubiy koreyalik sportchi Myung Minaga magʻlub boʻlib, kumush medal sohibasi boʻldi[2][3].
Yana 2018-yilda Svetlana Osipopova „French Open“ xalqaro turnirida yarim finalda fransuz sportchisi Solena Avoulettega imkoniyatni boy berib, bronza medalini qoʻlga kiritdi. Oʻsha yili u Jakartadagi (Indoneziya) 2018-yilgi Yozgi Osiyo oʻyinlarida janubiy koreyalik sportchi Kim Bich-Naga yutqazib,67 kg dan ortiq vazn toifasida jang olib bordi va u bronza medalini qoʻlga kiritdi[4].
Yana u 2019-yilda Uxanda (Xitoy) oʻtkazilgan Butunjahon harbiy oʻyinlarida 78 kg dan ortiq vazn toifasida oltin medalga sazovor boʻldi[5].
2021-yilda Ammanda (Iordaniya) boʻlib oʻtgan Osiyo qitʼasi sportchilari oʻrtasidagi Lisenzion tayekvondo turnirida u 2020-yilgi Yozgi Olimpiya oʻyinlariga yoʻllanma olishga muvaffaq boʻldi[6].
2021-yil Tokiodagi (Yaponiya) Yozgi Olimpiada oʻyinlarida u 67 kilogrammdan ortiq vazn toifasida ishtirok etadi.1/8 finalda u qozogʻistonlik tayekvondochi Jansel Deniz bilan toʻqnashib,9:10 hisobida ustunlikni boy beradi[7].
2024-yilgi Olimpiada oʻyinlari
[tahrir | manbasini tahrirlash]Svetlana Osipova 2024-yilgi Parijdagi Yozgi Olimpiada oʻyinlarining 1/16 finalida Kot D’ivuar vakili Astan Batilini magʻlubiyatga uchratdi. Nimchorak finalda Buyuk Britaniya vakili Rebecca Mcgowanga qarshi dayanga chiqadi. Kurashda 2:0 hisobida Osipova gʻalaba qozondi va yarim finalga yoʻl oldi. Osipovaning yarim finaldagi raqibi Janubiy Koreya vakili Li Da-Bin boʻldi. Bin 2:0 hisobida yutqazib qoʻydi va Osipova finalga yoʻl oldi. Osipova finalda Fransiya vakili Alteya Loren bilan kuch sinashadi. Finalda fransiyalik taekwondochidan yengildi va kumush medal sohibi boʻldi[8].
Unvon va mukofotlari
[tahrir | manbasini tahrirlash]- 2024-yilda „Oʻzbekistonda xizmat koʻrsatgan sportchi“ faxriy unvoni berilgan[9].
- Leytenant harbiy unvoni (2024-yil)[10]
- Toʻmaris koʻkrak nishoni (2024-yil)[10].
Manbalar
[tahrir | manbasini tahrirlash]- ↑ 1,0 1,1 1,2 „Taekvondochi Svetlana Osipova - Olimpiya vitse-chempioni“. gazeta.uz. Qaraldi: 10-avgust 2024-yil.
- ↑ „South Korea and Iran share spoils on day two of Ashgabat 2017 taekwondo action“. www.insidethegames.biz (1505832900). 2019-yil 7-iyulda asl nusxadan arxivlangan. Qaraldi: 2021-yil 25-iyul.
- ↑ „AIMAG_TK_resultsBook“ (2018-yil 3-dekabr). 2018-yil 3-dekabrda asl nusxadan arxivlangan. Qaraldi: 2022-yil 8-iyul.
- ↑ „AG2018_OfficialResultBook_Taekwondo_v1.0“ (2020-yil 8-iyun). 2020-yil 8-iyunda asl nusxadan arxivlangan. Qaraldi: 2022-yil 8-iyul.
- ↑ Ассоциация таэквондо WT Узбекистана. „Светлана Осипова: «Хочу поблагодарить руководство сборной Узбекистана и Ассоциации“. 2021-yil 25-iyulda asl nusxadan arxivlangan. Qaraldi: 2022-yil 8-iyul.
- ↑ „Сборная Узбекистана по таэквондо впервые поедет на Олимпийские игры полным составом“.
- ↑ „Taekwondo Schedule & Results - 27 Jul | Tokyo 2020“ (en-us). ... Qaraldi: 2021-yil 25-iyul.[sayt ishlamaydi]
- ↑ „Светлана Осипова — Олимпиада совриндори бўлган илк ўзбек аёл таэквондочиси“. tribuna.uz. Qaraldi: 10-avgust 2024-yil.
- ↑ „Диёра Келдиёровадан Улуғбек Рашитовгача: Олимпия ўйинларида иштирок этган бир гуруҳ спортчи ва мураббийлар мукофотланди“. Daryo.uz.
- ↑ 10,0 10,1 „Diyora Keldiyorova muddatidan oldin katta leytenant bo‘ldi, Ulug‘bek Rashitov va Svetlana Osipovaga ham ilk ofitserlik unvonlari berildi“. kun.uz. Qaraldi: 30-avgust 2024-yil.
- 3-mayda tugʻilganlar
- 2000-yilda tugʻilganlar
- Oʻzbekistonda xizmat koʻrsatgan sportchilar
- Oʻzbekiston taekvondochilari
- Yashayotgan insonlar
- Oʻzbekiston kishilari
- 2020-yilgi Yozgi Olimpiada oʻyinlaridagi tekvondochilari
- 2024-yilgi Yozgi Olimpiada oʻyinlarida medal sohiblari
- Zulfiya nomidagi davlat mukofoti sohiblari
- 2024-yilgi Yozgi Olimpiada oʻyinlaridagi tekvondochilar
- 2022-yilgi Osiyo oʻyinlarida medal sohiblari
- Oʻzbekiston uchun Osiyo oʻyinlari bronza medali sohiblari
- 2021-yilgi Islom birdamlik oʻyinlarida medal sohiblari
- Oʻzbekistonning Islom birdamlik oʻyinlarida oltin medali olgan sportchilari